Úkimet basshysy gaz qosýmen aınalysatyn kompanııalardy tekserýdi tapsyrdy
«KazTransGazAımaq» AQ Jambyl bólimshesiniń dırektory S. Ismaıylovtyń Jambyl oblysynyń tutynýshylary úshin taýarlyq gaz tarıfiniń qalyptasýy týraly baıandamasyn tyńdaǵan soń Premer-Mınıstr óńir kásipkerleri tarapynan qosý qyzmeti úshin alynatyn baǵanyń joǵary ekendigine qatysty shaǵymdar túsip jatqanyn aıtty.
Bıznes ókilderiniń aqparatyna sáıkes, 80 myńǵa jýyq úı janynan ótetin gaz qubyryna qosyla almaı otyr, sebebi oǵan qosylý quny 200-250 myń teńge. Bıznesmenderdiń aıtýynsha, onyń sebebi naryq baǵasynan birneshe ese artyq baǵany belgilegen jobalaýshylardyń kesirinen. Bul qyzmetti qosatyn basqa kompanııalardyń bolmaýy sebebinen «úlestes» tárizdi kompanııalar usynylatyn qyzmettiń naqty qunyn kórsetpeıtin óz talaptaryn qoıyp otyr.
Osyǵan baılanysty Baqytjan Saǵyntaev oblystyq prokýrorǵa, sonymen qatar salyq ınspektsııasy men QR Qarjy mınıstrliginiń Memlekettik kirister komıtetiniń ekonomıkalyq zertteýler qyzmetine bir apta ishinde úlestes, lıtsenzııalary bar, taýarlyq gazdy qosý qyzmetin kórsetetin barlyq kompanııalardy baǵa túzýi boıynsha tekserýdi tapsyrdy.
«KazTransGazAımaq» AQ Jambyl bólimshesiniń derekterine sáıkes, búgingi tańda 377 eldi mekennen 181 eldi mekenge gaz júrgizilgen. Jeke jáne kommýnaldyq páterlerden 185 myńnan astam abonent taýarlyq gazben qamtamasyz etiledi, 319 ónerkásiptik, 5 myń kommýnaldyq-turmystyq kásiporyn qamtylǵan. Oblys boıynsha gaz bólý qubyrynyń jalpy uzyndyǵy 4600 shaqyrym.
