Úkimet basshysy «Esil-Agro» JShS-niń jumysymen tanysty
KÓKShETAÝ. QazAqparat - Aqmola oblysyna jumys sapary barysynda QR Premer-Mınıstri Baqytjan Saǵyntaev «Esil-Agro» JShS sútti-taýarly fermasynyń jumysymen tanysty, dep habarlaıdy QazAqparat.
Sútti-taýarly mal sharýashylyǵyn damytý maqsatynda qurylǵan kásiporyn 2009 jyly ashylǵan bolatyn. Osy kúni sharýashylyqta sútti baǵyttaǵy iri qara mal basy 1600-ge jetken. Onyń jartysy ónimdiligi joǵary «golshtın-frızsk» tuqymdy sıyrlar. Ótken jyly seriktestik 4 myń tonna sút óndirgen. Aldaǵy ýaqytta ónimdilikti eki esege arttyryp, saýyn sıyrlarynyń sanyn 2400 basqa jetkizýdi kózdep otyr. Úkimet basshysy mundaǵy mal qorlaryn aralap, avtomattandyrylǵan sút óndirý protsesterimen tanysty.
Şýchınskide salynyp jatqan respýblıkalyq shańǵy bazasy qurylysynyń sozylyp ketýi jaıynda aıtylyp ta, jazylyp ta júr. Úkimet basshysy osy nysannyń qurylysyn óz kózimen kórip, atqarylyp jatqan jumystardyń jaıymen tanysty. Joba quny 37,3 mıllıard teńge. 2006 jyly bastalǵan qurylys nysany 2018 jyly aıaqtalady dep kútilýde. 145 gektar aýmaqty alyp jatqan nysannyń qazirgi daıyndyq deńgeıi 90 paıyz shamasynda. Qazir jasandy qarlandyrý jáne shańǵy jolyna qajetti qurylǵylar kelgen. Іshki ınjenerlik jelilerdi ornatý jumystary toqsan paıyz deńgeıinde atqarylǵan. Búgingi kúni munda 250-deı adam jumys isteýde.
