Úkimet basshysy elorda tóńiregindegi eldi mekenderdiń kelbetin jaqsartýdy tapsyrdy

Aıta keterligi, alqaly jıyn barysynda sóz alǵan Aqmola oblysynyń ákimi Qosman Aıtmuhambetov ózi basshylyq jasaıtyn óńirde ınfraqurylym tartylmaı jer telimderi jeke turǵyn úı qurylysyna berilmeıtindigin basa aıtqan-dy. «Astanamen shekaralas aımaqtar erekshe qala salý retteýine engizilgen. Jeke turǵyn úı qurylysyna berilgen barlyq jer ýchaskelerindegi jobalardy biz Astananyń bas josparymen kelise otyryp júrgizemiz. Qazirgi tańda jeke turǵyn úıge jer telimin berý toqtatylǵan», - dedi óńir basshysy.

Osy rette S.Ahmetov, Astana men Aqmola oblysynyń ákimderine jáne Óńirlik damý mınıstrligi basshysyna bul máseleni birigip sheshýdi tapsyrdy. Sonymen qatar birinshi kezekte atalǵan eldi mekenderdiń kelbetin jaqsartý baǵytynda jumys isteýleri kerektigin qadaı aıtty. «Biz Astanadan 30 shaqyrym tóńirektegi eldi mekenderdiń qandaı ekenin bilemiz. Onyń barlyǵy da bizdiń elordamyzdyń kelbetine saı kelýi tıis. Osylaısha, biz jeke turǵyn úı qurylysyna qatysty kezekte turǵandardyń Astana qalasyndaǵy júktelimin tómendete alamyz», - dedi ol.

S.Ahmetov sondaı-aq, atalǵan eldi mekenderge ınfraqurylym tartý úshin Úkimet qarjy bólýge daıyn ekendigin atap ótti.