Úkimet basshysy elimizdiń batysyna ınvestıtsııa tartý jóninde selektorlyq keńes ótkizdi
QR Premer-Mınıstri Asqar Mamın otyn-energetıkalyq keshende, sondaı-aq elimizdiń batys óńirine ınvestıtsııa tartý jáne ınvestıtsııalyq jobalardy iske asyrýda kedergilerdi joıý jóninde selektorlyq keńes ótkizdi.
Bul baǵytta júrgizilip jatqan jumystar týraly energetıka mınıstri Q. Bozymbaev, Atyraý oblysynyń ákimi N. Noǵaev, Mańǵystaý oblysynyń ákimi S. Turymov jáne Batys Qazaqstan oblysynyń ákimi G. Isqalıev baıandady.
2019 jyldyń birinshi jartyjyldyǵynda otyn-energetıka keshenine ınvestıtsııalar kólemi 2561 mlrd teńgeni qurap, ótken jyldyń osyndaı kezeńine shaqqanda 18,6%-ǵa ulǵaıdy. 2019 jyly kútilip otyrǵan ınvestıtsııalar kólemi 5357 mlrd teńgeni quraıdy. 75 joba iske asyrylý satysynda, al 68 joba pysyqtalý ústinde. Otyn-energetıka keshenine ınvestıtsııalar aǵymyn arttyrý úshin salyq jáne kedendik rejımderdi jetildirýge, sondaı-aq munaıgazhımııany, elektr energetıkasy men jańartylatyn energııa kózderin yntalandyrýǵa baǵyttalǵan zańnamalyq sıpattaǵy sharalar qabyldanýda.
2019 jylǵy qańtar-shilde aılarynda Atyraý oblysynyń negizgi kapıtalyna ınvestıtsııalar kólemi 2513,9 mlrd teńgeni (2018 jyldyń osyndaı kezeńimen salystyrǵanda 118,3%), Mańǵystaý oblysyna – 291,6 mlrd teńgeni (2018 jyldyń osyndaı kezeńimen salystyrǵanda 83,2%), Batys Qazaqstan oblysyna – 278,6 mlrd teńgeni qurady, bul ótken jyldyń jeti aıynyń kórsetkishinen 38,3%-ǵa artyq.
QR Premer-Mınıstri A.Mamın QR Tuńǵysh Prezıdenti - Elbasy N. Nazarbaev «Nur Otan» partııasynyń Saıası keńesiniń keńeıtilgen otyrysynda qoıǵan mindetterdi jáne Memleket basshysy Q. Toqaevtyń Qazaqstan halqyna arnaǵan «Syndarly qoǵamdyq dıalog – Qazaqstannyń turaqtylyǵy men órkendeýiniń negizi» Joldaýynda berilgen tapsyrmalardy eskerýmen ınvestıtsııalardy tartýdyń nysanaly ındıkatorlaryna qol jetkizýdi qamtamasyz etýdi tapsyrdy.
Úkimet basshysy ınvestıtsııa tartý boıynsha júıeli jumystardy kúsheıtý qajettigin atap ótti, bul jumystar óńirlik jáne respýblıkalyq deńgeılerde kúndelikti júrgizilýi tıis.
«Investıtsııa tartý - ekonomıkanyń damýy úshin basty másele. «Astana» Halyqaralyq qarjy ortalyǵyn damytý, memlekettik-jekeshelik áriptestik jobalaryn iske asyrý, strategııalyq ınvestorlardy tartý máselelerine erekshe kóńil bólý qajet», – dedi A.Mamın.
Premer-Mınıstr Saýda jáne ıntegratsııa mınıstrligine Qazaqstan kásipkerleriniń EAEO elderimen saýdada naqty jáne naqty emes kedergilerdi joıý boıynsha jumystardy jandandyrýdy tapsyrdy.
