Úkimet basshysy elektrondyq qyzmet kórsetý kórsetkishi men halyqtyń kompıýterlik saýattylyǵy arasyndaǵy alshaqtyqty eńserýdi júktedi
«Elektrondyq qyzmetterdi kórsetýdi alǵa jyljytý men ony paıdalanýshylar sany arasyndaǵy alshaqtyqty qalaı eńserýge bolady. Bizde 2012 jyly halyqtyń 51 paıyzy bul qyzmetti paıdalanýǵa qaýqarly bolǵan eken. ıAǵnı, halyqtyń jartysy»,-dedi S. Ahmetov.
Osy oraıda ol Elektrondyq úkimet turǵysynda qyzmet kórsetýler deńgeıin alǵa jyljytýdyń qarqyny joǵary ekendigin jetkizdi. «Atap aıtqanda bizde bul qyzmetterdi qurý men paıdalaný arasynda alshaqtyq oryn alýda»,-dep naqtylap ótti Premer-Mınıstr.
Óz kezeginde QR Kólik jáne kommýnıkatsııa mınıstri Asqar Jumaǵalıev halyqtyń arasynda kompıýterliik saýattylyqtyń deńgeıin 80 paıyzǵa jetkizý 2020 jylǵa qaraı kózdelgenin sóz etti. Alaıda, onyń paıymdaýynsha, bul kórsetkishke qysqa merzimde qol jetkizý josparlanyp otyr. Buǵan qosa A. Jumaǵalıev 2013 jyly elektrondy qyzmetter sanyn 12 mln.-ǵa jetkizý qarastyrylǵandyǵyn atap ótti. Bul turǵyda Úkimet basshysy elimiz halqynyń basym kópshiligi tek HQKO qyzmetterin paıdalanatynyna toqtala kele, «Joǵaryda atalǵan alshaqtyqty tómendetý úshin bizge qalaı durys josparlaý kerek bolady? Elektrondyq qyzmetterdi usyný boıynsha jaǵdaı jasaý aıasynda alda kele jatyrmyz. Osy oraıda elimizdiń basym kópshiligi elektrondy qyzmetti barynsha paıdalanýyna qalaı qol jetkizýge bolady?»,-dep suraqty tótesinen qoıdy.
Bul turǵyda S. Ahmetov Kólik jáne kommýnıkatsııa mınıstrligine Bilim jáne ǵylym mınıstrligimen birlese osy baǵytta tıisti sharalardy qarastyrýdy júktedi. Úkimet basshysynyń paıymdaýynsha, 2020 jylǵa qaraı kompıýterlik saýattylyqty 80 paıyzǵa jetkizý - bul tómendetilip kórsetilgen jospar.
Sóz sońynda mınstr A. Jumaǵalıev atalǵan másele boıynsha tıisti jospar bar ekenin jáne ony kelisý úshin Úkimetke usynýǵa daıyn ekendigin tilge tıek etti.
