Úkimet basshysy ekonomıkanyń qozǵaýshy kúshi bolyp otyrǵan salalardy atady
«Jalpy, el ekonomıkasy turaqty damý jolynda. 2019 jyly jalpy ishki ónimniń ósimi 4,5 paıyzdy qurady. Onyń 85 paıyzy shıkizattyq emes salalar esebinen qamtamasyz etildi. Ekonomıkalyq ósimniń qozǵaýshy kúshteri – qurylys, saýda, kólik salalary boldy. Óńdeý ónerkásibindegi ósim 4,4 paıyzdy qurady. Buǵan negizinen mashına jasaý salasy, sonyń ishinde avtokólik jasaý, mashınalar men jabdyqtar óndirisi, farmatsevtıka jáne jeńil ónerkásip úles qosty. Taý-ken ónerkásibi 3,7 paıyzǵa ósti. Bul kórsetkishke metall kenin óndirý kólemin 16 paıyzǵa arttyrýdyń nátıjesinde qol jetkizildi», - dedi Asqar Mamın Prezıdent Qasym-Jomart Toqaevtyń qatysýymen ótip jatqan Úkimettiń keńeıtilgen otyrysynda.
Asqar Mamın negizgi kapıtalǵa ınvestıtsııa 8,5 paıyzǵa, al jeke ınvestıtsııa 9,5 paıyzǵa ósken.
«Halyqtyń naqty tabysy 5,5 paıyzǵa ósti. 2019 jyly 2,7 mln adamnyń jalaqysy ósti. Oǵan eń tómengi jalaqyny ulǵaıtý sharasy negiz bolyp otyr», - dedi ol.
