Úkimet basshysy egin oraǵyna kún saıyn monıtorıng júrgizýdi tapsyrdy
NUR-SULTAN. QazAqparat – Premer-Mınıstr Asqar Mamın Aýyl sharýshaylyǵy mınıstri men oblys ákimderine egin oraǵyn sapaly júrgizýdi mindettedi, dep habarlaıdy QazAqparat tilshisi.
«Egin jınaýǵa ýaqyt az qaldy. Negizgi astyqty óńirlerde aýa raıy qubylmaly. Jańa áriptesterimiz ol týraly aıtyp jatyr (óńir basshylary). Sondyqtan, egindi ýaqytynda jınaýmen qatar, jumysty shyǵynsyz oryndaý óte mańyzdy. Egin orý jumysynyń barysy jaman emes. Úkimet tarapynan egin orý jumysyn qarjylaı jáne materıaldyq qamtamasyz etý úshin barlyq qajetti sheshimder qabyldandy», - dedi Asqar Mamın Úkimet otyrysynda.
Óz sózinde Premer-Sınıstr aýyl sharýashylyǵy mınıstri men oblys ákimderine egin orý jumysyn sapaly ótkizý úshin barlyq qajetti sharalardy qabyldaýdy tapsyrdy.
«Aýyl sharýashylyǵy mınıstrligi oblys ákimdikterimen birlesip, astyq saqtaý kásiporyndaryn astyqty qabyldaýyn qamtamasyz etsin. Aýyl sharýashylyǵy óndirýshilerin dızel otynymen qamtamasyz etý máselesi egin jınaý kezinde eń mańyzdy sharýa. Energetıka mınıstrligi AShM-men birlesip, aýyl sharýashylyǵy óndirýshilerin janar-jaǵarmaımen qamtamasyz etýdi baqylaýda ustaýdy tapsyramyn. Egin oraǵyna kún saıyn monıtorıng jasaýdy jalǵastyryńyzdar», - dedi Asqar Mamın.
