Úkimet basshysy «Doing Business»-tegi Qazaqstan reıtıngin jaqsartý boıynsha jumys nátıjelerimen tanysady
ASTANA. 21 qańtar. QazAqparat - Erteń ótetin Úkimet otyrysynda 2013 jyldaǵy basty maqsattar talqylanady.
Bul týraly búgin QR Prezıdenti janyndaǵy Ortalyq kommýnıkatsııalar qyzmetiniń resmı ókili Altaı Ábıbýllaev málim etti.
«22 qańtarda QR Premer-Mınıstri Serik Ahmetovtiń tóraǵalyǵymen ótetin Úkimet otyrysynda 2013 jyldaǵy basty maqsattar men «Doing Business» Dúnıejúzilik banki reıtınginiń kórsetkishterin jaqsartý boıynsha jumystardyń qorytyndylary talqylanady dep kútilýde. Bul álemdik básekelestikke qabiletti 30 eldiń qataryna enýdiń jalpyulttyq ıdeıasy turǵysynda óte mańyzdy bolyp tabylady. «Doing Business» Dúnıejúzilik bankiniń reıtıngilik kórsetkishterimen qazaqstandyq kásipkerler úshin iskerlik ortany jaqsartý máseleleri QR Úkimetiniń erekshe nazarynda ekendigin basa aıtqan jón»,-dedi resmı ókil.
Jalpy, atalǵan reıtıng bıznesti júrgizýdi jeńildetý turǵysynda ulttyq zańnama men iskerlik ortany jaqsartý boıynsha basqa da memlekettik sharalar deńgeıin baǵalaıdy.
