Úkimet basshysy birqatar máseleni oblys basshylarymen júzdesý barysynda talqylaýǵa nıetti
ANA. 5 aqpan. QazAqparat /Marlan Jıembaı/ - «Nur Otan» HDP-nyń kezekti sezin ótkizý kezinde QR Úkimet basshysy Kárim Másimov azyq-túliktiń baǵa qurylymy,
halyqty eńbekpen qamtý jáne qurylys máselelerin oblys basshylarymen talqylamaq. Bul týraly búgin QR Premer-Mınıstri Kárim Másimov Úkimet otyrysynda málim etti.
«Men bul máselelerdi kezdesken kezde talqylaýdy usynamyn. Óıtkeni barlyq ákimder partııanyń sezine jınalady. Sol kúni biz birlesken otyrys ótkizemiz, ýaqytyn keıinirek anyqtaımyz», - dedi Premer-Mınıstr.
Bul oraıda Mınıstrler kabınetiniń basshysy oblys ákimderi úsh másele boıynsha jan-jaqty daıyndyqpen kelýleri kerektigin basa aıtty. Onyń birinshisi azyq-túliktiń baǵa qurylymy boıynsha aǵymdaǵy jaǵdaılarǵa qatysty bolsa, ekinshisi Eńbek jáne halyqty áleýmettik qorǵaý mınıstrligi ázirlegen jańa eńbekpen qamtý baǵdarlamasy jobasyn jan-jaqty zerdeleýge arnalmaq. Al sońǵy másele qurylys salasyn qamtıdy.
