Úkimet basshysy basy artyq jeńildetilgen janarmaıdy muqtaj óńirlerge bólip úlestirýdi tapsyrdy
Úkimet basshysy Serik Ahmetovtiń aıtýynsha, bıylǵy egin jınaý naýqany túrli klımattyq jaǵdaılarǵa baılanysty jyldaǵydan uzaqqa sozylatyn túri bar. Elimizdiń kóptegen óńirlerinde 1 aıdan astam ýaqyt tolassyz jaýǵan jańbyr eginniń der kezinde pisýine kedergi keltirdi, onyń ústine jınalǵan bıdaıdy keptirýge de qosymsha janarmaı qajet bolmaq.
«Ótken aıda óńirlerge janarmaı jetkizý jospary 35 paıyzǵa ǵana oryndaldy. Al osy aıda olardan bizge kelip túsken ótinish te, tólem de joq. Men ótkende bul úderisti tezdetýdi ótingen edim. Basy artyq janarmaı zaýyttarda saqtalyp tur. Olardy tezdetip bólingen jerlerine jóneltkenimiz durys», - dedi Munaı jáne gaz mınıstri Uzaqbaı Qarabalın.
«Eger de qandaı da bir óńirde janarmaıǵa degen suranys joq bolsa, onda Aýyl sharýashylyǵy mınıstrligimen birlesip, artyq qalǵan janarmaıdy basqa óńirlerge bólip berý jaǵyn uıymdastyryńyzdar», - dedi S. Ahmetov U. Qarabalınge qarata.