Úkimet basshysy «Balapan» telearnasynyń iske qosylý rásimine qatysady
ASTANA. Qyrkúıektiń 23-i. QazAqparat /Ernur Aqanbaı/ - Erteń, qyrkúıektiń 24-de QR Premer-Mınıstri Kárim Másimov pen Baılanys jáne aqparat mınıstri Asqar Jumaǵalıev Astanadaǵy «Dýman» kóńil kóterý ortalyǵynda «Balapan» Qazaqstandaǵy tuńǵysh balalar telearnasynyń iske qosylý saltanatyna qatysady.
Baılanys jáne aqparat mınıstrligi baspasóz qyzmetiniń málimetinshe, «Qazaqstan» respýblıkalyq teleradıo korporatsııasynyń bazasynda qurylǵan bul jańa telearna kabeldik jelide memlekettik tilde shyǵatyn bolady. «Balapan» balalardyń kóńil kóteretin-tanymdyq telearnasy 3 jastan 15 jasqa deıingi eń jas qazaqstandyq aýdıtorııaǵa arnalǵan.
