Úkimet basshysy azamat jumysynan aıyrylǵan jaǵdaıda oǵan memlekettik saqtandyrý qorynan tólenetin járdemaqyny 6 aıǵa sozýdy tapsyrdy
ASTANA. 25 qańtar. QazAqparat /Marlan Jıembaı/ - Búgin Úkimet otyrysynda Premer-Mınıstr Kárim Másimov Eńbek jáne halyqty áleýmettik qorǵaý mınıstrligine azamat jumysynan aıyrylǵan jaǵdaıda oǵan memlekettik áleýmettik saqtandyrý qorynan tólenetin áleýmettik járdemaqyny 6 aıǵa sozý týraly tapsyrma berdi.
Ol bul tapsyrmany búgingi Úkimet otyrysy barysynda Eńbek jáne halyqty áleýmettik qorǵaý jáne Qarjy mınıstrlikterine júktedi.
«Eńbek jáne halyqty áleýmettik qorǵaý jáne Qarjy mınıstrlikteri bir aptanyń ishinde daǵdarysqa qarsy baǵdarlamada jasaǵanymyzdaı turaqty negizde memlekettik áleýmettik saqtandyrý qorynan jumystan aıyrý boıynsha tólenetin járdemaqyny 4 aıdan 6 aıǵa sozý úshin barlyq normatıvtik quqyqtyq aktilerdi ázirleýdi tapsyramyn. ıAǵnı, biz daǵdarys kezinde jasaǵan jumystarymyzdy odan ári jalǵastyrýymyz qajet»,- dedi Úkimet basshysy.
