Úkimet basshysy Aýyl sharýashylyǵy mınıstrligine qus sharýashylyǵy kásiporyndaryn azyqpen qamtamasyz etý máselesin qarastyrýdy tapsyrdy

Atalǵan mınıstrliktiń jaýapty hatshysy Evgenıı Amannyń aıtýyna qaraǵanda, qazirgi ýaqytta qus sharýashyǵyndaǵy jaǵdaı kúrdelene túsýde. Osyǵan oraı jumyrtqa men qus etiniń quny birshama kóterilip otyr. Jalpy buǵan deıingi qus sharýashylyǵy ónimderiniń baǵasynyń tómendeýine jemdik astyq qunynyń tómen bolýy áser etken bolatyn. Al qazirgi ýaqytta jem baǵasy 2-3 esege kóterilip ketken. Sonymen qatar elimizdegi jem-shóptik astyq kólemi de az bolyp otyr. Qus sharýashylyqtaryń menshikti egistik alqaptarynyń bolmaýy saldarynan olar 3 surypty astyqty jem úshin satyp alýǵa májbúr.

«Ekinshiden, biz qajetti jem qoryn satyp alý úshin kómek suraımyz. Qus sharýashylyqtary barlyq ótinimderin berdi. Olarmen Azyq-túlik korporatsııasy arpa, jemdik bıdaı jáne júgerimen qamtamasyz etý kestesiniń stsenarııin ázirleýde», - dedi E.Aman.

Óz kezeginde Úkimet basshysy bul usynysty Aýyl sharýashylyǵy mınıstrligine zerdeleýdi tapsyrdy. «Osy apta ishinde zerdeleńizder jáne keshendi sharalar boıynsha usynys engizińizder», - dedi K.Másimov.