Úkimet basshysy Atyraýdaǵy polıpropılen óndiretin keshende boldy

ATYRAÝ. QazAqparat - Atyraýǵa jumys sapary barysynda Premer-Mınıstr Álıhan Smaıylov polıpropılen óndiretin «KPI Inc.» JShS kesheniniń jumysymen tanysty, dep habarlaıdy QazAqparat Úkimettiń Telegram-kanalyna silteme jasap.

Qýattylyǵy jylyna 500 myń tonna ónim shyǵaratyn zaýyt «Ulttyq ındýstrııalyq munaı-hımııa tehnoparki» AEA-da ornalasqan jáne Qazaqstandaǵy birinshi ıntegratsııalanǵan gaz-hımııa keshenin salý jobasynyń bastapqy kezeńi bolyp tabylady.

2022 jyldyń qarashasynda iske qosylǵannan beri zaýyt 100 myń tonnaǵa jýyq ónim shyǵardy.

Jalpy 2023 jylǵa arnalǵan óndiristik baǵdarlama boıynsha 300 myń tonnadan astam túrli suryptaǵy polıpropılen shyǵarý josparlanǵan.

Ony plastıkalyq konteınerler, plenkalar, bir ret qoldanylatyn ydys-aıaq jáne taǵy basqa zattar jasaý úshin paıdalanýǵa bolady.

Zaýyt ónimderiniń basym bóligi Qytaı men Eýropaǵa eksporttalady.