Úkimet basshysy Astanadaǵy jalpyqalalyq senbilikke qatysty
STANA. Sáýirdiń 24-i. QazAqparat - Búgin QR Premer-Mınıstri Kárim Másimov Astana aýmaǵyn abattandyrý jáne tazartý boıynsha ekologııalyq aılyq aıasynda ótkizilgen jalpyqalalyq senbilikke qatysty.
Úkimet Basshysy men qala ákimi Imanǵalı Tasmaǵambetov, Beıbitshilik jáne kelisim saraıy mańyndaǵy Táýelsizdik dańǵylynyń boıyna aǵash kóshetterdi otyrǵyzdy.
«Astana-Zelenstroı» AQ-nyń bas dırektory Jarqyn Jumaǵulovtyń aıtýynsha, atalmysh ýchaskide Prezıdent Ákimshiligi men Premer-Mınıstr Keńsesiniń qyzmetkerleri, elordanyń aýa raıy jaǵdaıyna jáne topyraǵynyń ereksheligine beıimdi - tal men úıeńkiniń barlyǵy 440 kóshetin otyrǵyzatyn bolady.
«Jalpy alǵanda, qalada 300 metr «jasyl beldeý» jasalyp, 1833 aǵash otyrǵyzý kózdelýde. Onyń 197-i - Saryarqa, 1000-y - Almaty jáne 600-den astamy - Esil aýdanynda boı kóteretin bolady», - dedi J.Jumaǵulov.
Ákimdiktiń málimetterine sáıkes, senbilikke 73 myń turǵyn, 460 avtokólik pen arnaıy tehnıkalar jumyldyrylylýda.
