Úkimet basshysy Astanada ótkizilgen "Kazenergy" VI Eýrazııalyq forýmynyń ashylýynda sóz sóıledi

«"Kazenergy" VI Eýrazııalyq forýmynyń ashylýynda sóz sóıledim», - dep jazdy Úkimet basshysy Kárim Másimov Twitter-degi jeke paraqshasynda.

Eske sala ketsek, Astanadaǵy Táýelsizdik saraıynda VI KAZENERGI Eýrazııalyq forýmy bastaldy.

Atalmysh shara bıyl elimizde «Qazaqstan: 20 jyl ornyqty damý, ınvestıtsııalar men turaqty yntymaqtastyqtyń jańa múmkindikteri» atty taqyrypta ótedi. Forýmnyń birinshi kúni VI KAZENERGI Eýrazııalyq forýmy sheńberinde úsh plenarlyq otyrys ótkiziledi. Sondaı-aq forým sheńberinde «Munaı-gaz salasyna ınvestıtsııa salý» máselesi talqylanady. Atalmysh sektsııany «Euronews» telearnasynyń júrgizýshisi Nıal O Reılı júrgizedi. Sondaı-aq forýmda álemniń áıgili kompanııalarynyń top-menedjerleri Qashaǵan kenishindegi óndiris, ekstremaldy sýyq jaǵdaılarda munaı operatsııalaryn júrgizý, Qarashyǵanaq kenishinde suıyq kómirsýtegin óndirýdiń jańa múmkindikteri sııaqty máseleler tóńireginde pikir almasady.

Sondaı-aq forým sheńberinde buqaralyq aqparat quraldarynyń ókilderimen baspasóz máslıhattary uıymdastyrylady dep kútilýde.