Úkimet basshysy arnaıy ekonomıkalyq aımaqtardy odan ári damytýǵa qatysty birqatar tapsyrmalar júktedi
ASTANA. 16 shilde. QazAqparat - Búgin elimizdegi arnaıy ekonomıkalyq aımaqtar (AEA) máselesi talqylanǵan Úkimet otyrysynda QR Premer-Mınıstri Serik Ahmetov AEA basqarýshy kompanııalaryn qarjylandyrý máselesin qarastyrýdy tapsyryp,
tıisti memlekettik organdarǵa birqatar mindetterdi júktedi.
«Ekonomıka jáne bıýdjettik josparlaý mınıstrligine basqa da memlekettik organdarmen birlese otyryp, arnaıy ekonomıkalyq aımaqtardaǵy basqarý kompanııalarynyń qyzmetin qarjylandyrý tetigi boıynsha máselelerdi qarastyrýdy tapsyramyn. Sonymen qatar, Indýstrııa jáne jańa tehnologııalar mınıstrligi AEA-ǵa ınvestıtsııalar tartý boıynsha jumystardy jalǵastyrýy kerek. Óz kezeginde Óńirlik damý mınıstrligi jergilikti ákimdiktermen birlese otyryp, AEA jumysyn odan ári damytý máselelerin qarastyrsyn», - dedi S. Ahmetov.
