Úkimet basshysy Almaty oblysynda AÓK membaǵdarlamasynyń júzege asyrylýymen tanysty
ASTANA. QazAqparat - Almaty oblysynda QR Premer-Mınıstri Baqytjan Saǵyntaev AÓK damytý baǵdarlamasynyń júzege asyrylýymen jáne ınnovatsııalyq tehnologııalardy qoldanatyn sharýa qojalyqtarynyń jumysymen tanysty, dep habarlaıdy primeminister.kz .
Oblys ákiminiń orynbasary Serikjan Beskempirov óńirdegi AÓK damytý jáne qant qyzylshasyn, sýarmaly eginshilikti damytý boıynsha, sonymen qatar servıstik-daıyndaý tsehtaryn qurý boıynsha qolǵa alynyp jatqan sharalar týraly baıandady.
«Nam G. N.» sharýa qojalyǵynyń úlgisinde Baqytjan Saǵyntaevqa sýarmaly eginshilikte jańa tehnologııalardyń qoldanylýy týraly áńgimelep berdi. Bul sharýashylyqtaǵy sýarmaly jer kólemi 75 ga, onyń ishinde 25 ga jerde qant qyzylshasy 30 ga - kartop ósiriledi, qalǵan jerlerge soıa jáne kúzdik bıdaı egiledi. 20 jýyq jumys oryndary qurylǵan.
Aımaqta alǵash ret 10 ga qyzylsha ósirý aýmaǵynda tamshylatyp sýarýdyń ızraıldik tehnologııasy eksperıment túrinde qolǵa alynady. Dıqanshylar osylaısha qyzylsha túsiminiń artýyna qol jetkizedi, ol atalǵan sharýashylyqta aımaq boıynsha ortasha deńgeıden joǵary jáne jylyna 600 tsentnerdi quraıdy.
Almaty oblysynda qant qyzylshasyn óńdeıtin Jetisýdaǵy asa iri Aqsý zaýyty iske qosylǵan. 2017 jyly óńirde qant qyzylshasy egiletin aýmaqty 9 myń ga deıin arttyryp, 30 myń tonna qant alý josparlanyp otyr. Bul oblys halqyn 84%-ǵa óz qantymen qamtamasyz etýge jáne ımportqa táýeldilikti tómendetýge múmkindik beredi, bul 2017-2020 jyldarǵa arnalǵan AÓK damytýdyń memlektetik baǵdarlamasynyń mindetterine saı keledi.
