Úkimet basshysy Almaty qalasynyń damýyna arnalǵan jıyn ótkizbek
ASTANA. 20 naýryz. QazAqparat - Búgin Úkimet otyrysynda QR Premer-Mınıstri Kárim Másimov Almaty qalasyn damytý boıynsha keńesti daıyndaýǵa tapsyrma berdi.
«Sizdermen birlesip Almaty qalasyn damytý jónindegi keńes daıyndaıyq. Serik Nyǵmetuly bul sizge tapsyrylady, al Ahmetjan Smaǵululy (Almaty qalasynyń ákimi) siz ózińizdiń barlyq máselelerińizdi kóterińiz», - dedi.
Úkimet basshysy bul rette Almatynyń ındýstrıaldy parkin damytý, jalpy qalanyń ınfraqurylymyn, onyń ishinde metrony da odan ári damytý máseleleri qamtylý kerektigin eskertti. Sondaı-aq jıyn barysynda 2017 jyly ótetin Ýnıversıadaǵa qatysty máseleler de kóteriletin bolady.
«Bizderde aǵymdyq sıpattaǵy ári odan da uzaq merzimdi máseleler bar, olardy talqylap, qarastyrý kerek», - dedi K.Másimov.
