Úkimet basshysy Almaty aglomeratsııasyn damytý máseleleri jóninde keńes ótkizdi
Premer-Mınıstrdiń orynbasary Roman Sklıar, Almaty qalasynyń ákimi Baqytjan Saǵyntaev, Almaty oblysynyń ákimi Amandyq Batalov baıandama jasady. Dúnıejúzilik banktiń Ortalyq Azııa boıynsha baǵdarlamalar úılestirýshisi Sasha Djýmena aglomeratsııalardy damytý boıynsha álemdik tájirıbeni qoldaný týraly baıandady.
Talqylaýǵa energetıka mınıstri Nurlan Noǵaev, ekologııa, geologııa jáne tabıǵı resýrstar mınıstri Maǵzum Myrzaǵalıev, tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın jáne t. b. qatysty. Memleket basshysy Qasym-Jomart Toqaevtyń bıylǵy 17 naýryzda Almaty qalasynyń áleýmettik-ekonomıkalyq damý máseleleri jónindegi keńeste bergen tapsyrmalarynyń oryndalý barysy qaraldy.
Biryńǵaı ıntegratsııalanǵan kólik júıesin qurý, ınjenerlik, turǵyn úı, týrıstik jáne áleýmettik ınfraqurylymdy damytý, bilim berý jáne densaýlyq saqtaý, kásipkerlik jáne ınvestıtsııalar tartý, qorshaǵan ortany qorǵaý jáne Almaty aglomeratsııasynyń eldi mekenderin gazdandyrý, sondaı-aq Almaty qalasynyń aınalasyndaǵy azyq-túlik beldeýin nyǵaıtý jobalary talqylandy.
Almaty aglomeratsııasyn damytý jónindegi óńiraralyq is-sharalar jospary 2030 jylǵa deıin 108 is-sharany oryndaýdy kózdeıdi. Josparlaý kezinde paıdalanylǵan boljamdarǵa sáıkes, Almaty qalasynyń turǵyndaryn qosa alǵanda, Almaty aglomeratsııasynyń halqy 2030 jylǵa qaraı 1,6 mln adamǵa ulǵaıady jáne 4,7 mln adamnan asady, olar 860 myń ga astam aýmaqqa qonystanady. 2020 jyldan bastap jospardyń 60 tarmaǵy boıynsha jobalardy iske asyrý bastaldy, olardyń 13-i aıaqtaldy.
Premer-Mınıstr bıylǵy 20 tamyzǵa deıin «Úlken Almatynyń» tórt pılottyq jobasyn iske asyrý: ekologııalyq problemalardy sheshý (Green Almaty), biryńǵaı kólik modelin jáne damý strategııasyn ázirleý, ShOB tsıfrlyq kartasyn qalyptastyrý, monıtorıng pen TJ aldyn alýdyń keshendi júıesin ázirleý máselelerin pysyqtaýdy tapsyrdy. Tsıfrlyq damý, ınnovatsııalar jáne aeroǵarysh ónerkásibi mınıstrligine bıylǵy 1 qarashaǵa deıin Almaty qalasynda tsıfrlyq tehnologııalardy (AT-qumsalǵyshtar) damytý jóninde sharalar qabyldaý tapsyryldy.
Indýstrııa jáne ınfraqurylymdyq damý mınıstrligine bıylǵy 20 qazanǵa deıin aglomeratsııanyń biryńǵaı kólik modelin ázirleý tapsyryldy.
Almaty qalasyna jumys sapary aıasynda Úkimet basshysyna Almaty qalasy halyqaralyq áýejaıynyń jańa termınalyn salý jobasy usynyldy, ol jyldyq jolaýshylar aınalymyn 6 mln adamǵa ulǵaıtýǵa múmkindik beredi. Іske asyrý merzimi – 2021-2023 jyldar.
A. Mamın «Aıýsaı» sel ustaıtyn bógetiniń, sondaı-aq Almaty qalasynyń kólik jáne áleýmettik ınfraqurylym nysandarynyń qurylys alańdaryna bardy.
