Úkimet basshysy alkogol ónimderine aktsızdi kóterýdi tapsyrdy

ASTANA. 5 qarasha. QazAqparat - Búgin Úkimet otyrysynda QR Premer-Mınıstri Serik Ahmetov alkogol ónimderine aktsızdi kóterý týraly tapsyrmany júktedi.

Eske sala keteıik, buǵan deıingi Elbasy N. Nazarbaevtyń qatysýymen ótken Úkimettiń keńeıtilgen otyrysynda Prezıdent Úkimetti dál osy aktsız máselesine qatysty qatań synǵa alǵan bolatyn.

«2014 jyldyń tabaldyryǵynda turmyz. Reseı men Belarýs - Kedendik odaq boıynsha áriptesterimiz. Al olarda aktsız úsh esege joǵary. Bizdiń otandyq taýar óndirýshilerdiń alkogol ónimderine naryqqa joly jabyq. Soǵan qaramastan, Qarjy mınıstrligi balama sharalardy qabyldamaı otyr», - dedi Serik Ahmetov.

Bul rette Úkimet basshysy atalǵan máselegi qatysty birden «qalqan ornatý» degen bolmaýy kerektigin, kedendik shekara bolmaǵanymen, onda erejeniń qajettigin alǵa tartty. Sosyn Premer alkogol ónimderiniń aınalymy týraly zań arqyly tıisti sharalardy qaraýǵa bolatynyn da atap ótti.

«Eń aldymen alkogolge aktsızdi kóterý kerek, ekinshiden alkogol ónimderiniń, onyń ishinde óndiristiń naqty aınalymyn túsinikti etýge tıispiz», - degen Úkimet basshysy Qarjy mınıstri Bolat Jámishevke osy máselemen muqııat aınalysýdy tapsyrdy.