Úkimet basshysy áleýmettik jelilerde jeke betterin ashty
ASTANA. 28 naýryz. QazAqparat /Gúlnár Jandaǵulova/ - Qazaqstannyń Premer-Mınıstri Kárim Másimov Facebook jáne Twitter áleýmettik jelilerinde resmı akkaýnttar ashyp aldy. Bul týraly Úkmet basshysynyń blogynda habarlandy.
«Men óz betterimdi Facebook men Twitter-de, On.kz jáne Ilike.kz qazaqstandyq áleýmettik jelilerinde ashyp aldym. Meniń áleýmettik jelilerdegi jeke betterimdi ashýymdy Qazaqstan men búkil dúnıejúzindegi adamdarmen tikeleı baılanys ornatýdyń joly dep bilemin. Men sizdermen dıalog ornatýǵa daıynmyn. Maǵan qosylyńyzdar!», - dep jazypty óz blogynda K.Másimov.
Sondaı-aq YouTube jelisinde beınetúsirilimder kórip, Flickr.com saıtynan Úkimet basshysynyń jumysy men eldegi asa mańyzdy oqıǵalardan habardar beretin sýretterdi tamashalaýǵa ábden bolady.
Twitter - paıdalanýshylarǵa 140 sımvolǵa deıingi qysqa mátindik habarlamalar jiberýge múmkindik beretin júıe. Twitter-diń ereksheligi onda jarııalanǵan habarlamalar jalpyǵa birdeı bolyp, ony blogtarmen jaqyndastyra túsedi.
Facebook - 2004 jyly qurylǵan áleýmettik jeli.
