Úkimet basshysy Aqtóbe ferroqorytpa zaýytyna bardy

Zaýytty aralaý kezinde QR Premer-Mınıstri óndiristiń jumysy men kásiporynnyń budan keıingi josparlarymen tanysty. Sonymen qatar B. Saǵyntaev zaýytta jumys istep turǵan peshterdi kórip, daıyn ónim tıeletin bólimde boldy, dep habarlady primeminister.kz .

Aıta ketý kerek, zaýyt pen taý-ken baıytý kombınatynda shıkizatty óndirý, ony óńdeý jáne metall daıyndaýǵa deıingi tolyq tsıkldi jumystar júrgiziledi. AFZ jylyna shamamen 300 myń tonna ferroqorytpa shyǵarady.

Nysandy aralaý qorytyndysy boıynsha B. Saǵyntaev oblystyń iri ónerkásiptik kásiporyndary Memleket basshysynyń Qazaqstan halqyna Joldaýynda belgilegen tapsyrmalaryn júzege asyrýǵa óz úlesin qosý úshin barlyq qajetti múmkindikteri bar ekenin atap ótti. Atap aıtqanda, óndiriske Tórtinshi ónerkásiptik tóńkeris elementterin, onyń ishinde, avtomattandyrýdy, robottandyrý, «úlken kólemdi derektermen almasý» jáne t.b. endire alady.