Úkimet basshysy Aqtaýda iri ónerkásiptik nysandardy tsıfrlandyrý barysymen tanysty
ASTANA. QazAqparat - Búgin jumys sapary aıasynda QR Premer-Mınıstri Baqytjan Saǵyntaev Aqtaý qalasynda «Shlıýmberje» kompanııasynyń óndiristik bazasyn jáne «Aktau Steel» JShS metallýrgııalyq zaýytyn aralady. Onda tsıfrlandyrý jáne Indýstrııa 4.0 elementterin engizý barysymen tanysty, dep habarlaıdy primeminister.kz.
«Shlıýmberje» kompanııasynyń qazaqtandyq bólimshesin aralaý kezinde Baqytjan Saǵyntaev munaı ken oryndaryna qyzmet kórsetý boıynsha kásiporynnyń tehnologııalyq úderisimen jáne jańa óndiristik ári servıstik múmkindikterimen tanysty.
Qazaqstandaǵy «Shlıýmberje» basshysy M. Razıev tsıfrlandyrý barysy týraly baıandady. Ol Shlıýmberje «Tsıfrlyq ken orny», «I-invoicing», «Shot usyný» jobalary boıynsha «Qazgermunaı» BK» JShS, «Qarajanbasmunaı» AQ, KNOS, «Qarashyǵanaq Petrolıým Opereıtıng», «Teńizshevroıl» JShS sekildi munaı óndirýshi kásiporyndarǵa qyzmetter usynýmen aınalysatynyn aıtty.
M. Razıevtiń málimdeýinshe, keleshekte kásiporyn Kaspıı óńirinde jobalardy iske asyrý kezinde qoldaý kórsetetin toraptyq ortalyqqa aınalýǵa múddeli.
