Úkimet basshysy ákimderge: Azyq-túlik naryǵyndaǵy deldaldardy joıyńyzdar
«Azyq-túlik baǵasyna qatysty ákimderge naryqty azyq-túlik ónimderimen molaıtý, saýda ınfraqurylymyn damytý jáne deldaldardy joıý boıynsha sharalardy iske asyrýdy baqylaýda ustaýdy tapsyramyn. Muny jeltoqsandaǵy mereke kúnderinde jáne Jańa jyldyń aldyndaǵy kezeńde erekshe baqylaýda ustaýlaryńyzdy suraımyn. Bul jaǵdaıdy tolyq baqylaýǵa alyńyzdar», - dedi Úkimet basshysy.
Premer-Mınıstr QR Aýyl sharýashylyǵy birinshi vıtse-mınıstri Arman Evnıevtiń birqatar óńirinde turaqtandyrý qoryna azyq-túlik taýarlary satyp alynbaǵanyn aıtqanyn eske saldy.
«Baǵalar ósip jatyr. Keıbir óńirlerdiń qyrkúıektegi depozıtteriniń eshqandaı ózgerissiz jatqanyn kórip otyrmyz. ıAǵnı, turaqtandyrý qorlarynyń jumysyn tolyqqandy atqarmaı jatyr. Sol sebepti Ulttyq ekonomıka jáne Aýyl sharýashylyǵy mınıstrlikterine baǵa serpinin jáne turaqtandyrý qorlaryn qalyptastyrýdy monıtorıngilep otyrýdy tapsyramyn. Ómirzaq, Estaıuly, baǵa máselesin baqylaý ózińizde», - dedi Baqytjan Saǵyntaev orynbasary ári aýyl sharýashylyǵy mınıstri Shókeevke qarata aıtqan sózinde.