Úkimet basshysy AES salý týraly: Túpkilikti sheshim áli qabyldanǵan joq

ASTANA. QazAqparat – QR Úkimeti basshysy Álıhan Smaıylov elimizde atom elektr stansasyn salýǵa qatysty pikir bildirdi, dep habarlaıdy QazAqparat tilshisi.

«Atom elektr stansasy - óte kúrdeli tehnologııalyq obekt. Biz bul nysandy álemdegi eń ozyq tehnologııalary bar kompanııamen birge salǵymyz keledi. ıAǵnı, álemniń eń ozyq tehnologııalaryn tartý úshin kópjaqty joba bolǵanyn qalaımyz. Negizgi jetkizýshi retinde «Rosatomdy» tańdaýǵa qatysty sheshim áli qabyldanǵan joq. Sheshimdi bıyl halyqaralyq sarapshylarmen pysyqtaı otyryp qabyldaımyz. Bizde Rosatommen birge arnaıy jol kartasy jasaldy, endi daıyndyq jumysyn júrgizýimiz kerek. Onyń qorytyndysy boıynsha tikeleı ıadrolyq jáne basqa da jabdyqtardy jetkizýshi kompanııa aıqyndalady», - dedi Álıhan Smaıylov Úkimet otyrysynan keıin BAQ ókilderiniń saýalyna jaýap berip.

Premer-Mınıstrdiń aıtýynsha, AES salý saraptamalyq zertteýdi talap etedi jáne ázirge sońǵy sheshim qabyldanǵan joq.

Eske salsaq, buǵan deıin Energetıka mınıstri Bolat Aqsholaqov atom elektr stantsııasyn salý tehnologııasy bıyl tańdalatynyn aıtqan edi.

Foto: storage.googleapis.com