Úkimet basshysy Ádilet mınıstrine zań jobalaryna saýatty aýdarma jasalýyn baqylaýda ustaýdy tapsyrdy

Ádilet mınıstriniń sózine qaraǵanda, qazirgi tańda barlyq zań jobalaryna ǵylymı-lıngvıstıkalyq saraptama júrgizýdi qarastyratyn tıisti reglamentke ózgerister engizilýde. Mınıstrlikke qarasty zańnama ınstıtýtynyń bazasynda, ıaǵnı atalǵan ınstıtýttyń shtattyq quramynda lıngvıstıka jóninde basqarma quryldy.

«Al Lıngvıstıkalyq saraptama ortalyǵyn qurý máselesi Prezıdent Ákimshiliginiń qaraýynda jatyr»,-dedi R. Túsipbekov.

Óz kezeginde zań jobalarynyń tildik aýdarmasynyń sáıkestigine baılanysty máselege toqtalǵan Úkimet basshysy K. Másimov, Parlament depýtattary tarapynan zań jobalarynyń tildik aýdarmasy synalyp jatatynyn atap ótti.

K. Másimovtiń sózine qaraǵanda, búginde elimizde qazaq tiliniń durystyǵy negizine arnalǵan birneshe ortalyqtar bar. Keı kezde olardyń bergen túsiniktemesi ártúrli bolyp jatady. Osy oraıda Premer-Mınıstrdiń paıymdaýynsha, atalǵan máseleni tııanaqty etý úshin naqty aıqyndaýshy qajet.