Úkimet basshysy 2014-2015 jyldarǵa arnalǵan kóleńkeli ekonomıkaǵa qarsy turý keshendi josparyn túzetýge qaıtardy
ASTANA. QazAqparat - Búgin Úkimet otyrysynda Premer-Mınıstr Serik Ahmetov 2014-2015 jyldarǵa arnalǵan kóleńkeli ekonomıkaǵa qarsy turý keshendi josparyn túzetýge qaıtardy. Atalǵan qujatty QR Ekonomıka jáne bıýdjettik josparlaý mınıstri Erbolat Dosaev tanystyrǵan bolatyn.
Óz sózinde kóleńkeli ekonomıkaǵa qarsy turý kez kelgen damýshy memleket úshin mańyzdy ekendigin atap ótken Úkimet basshysy: «Sondyqtan da jumys tobynyń jumys nátıjesinde búgin Ekonomıka jáne bıýdjettik josparlaý mınıstrligi engizgen keshendi jospar jasaldy. Bul máseleni jetkilikti talqyladyq. EBJM-ge memlekettik organdarmen birlesip, búgingi talqylaýdy eskere otyryp, qujatty túzetýdi jáne 13 naýryzǵa deıin Úkimet qaýlysymen kelisilgen keshendi jospar jobasyn engizýdi tapsyramyn», - dedi. Aıta keteıik, mınıstr E.Dosaevtyń sózine qaraǵanda, 2012 jyly Qazaqstandaǵy kóleńkeli ekonomıka úlesi JІÓ-niń 19,2 paıyzyn quraǵan. Kóleńkeli ekonomıka qurylymynyń basym bóligin taýar óndirý men beıresmı qyzmetter arqyly kórsetiletin qyzmetter alady.
