Úkimet basshysy 1 qarashaǵa deıin jerdi túgendeý jumystaryn aıaqtaýdy tapsyrdy
ATSANA. 13 maýsym. QazAqparat /Marlan Jıembaı/ - Úkimet basshysy 1 qarashaǵa deıin jerdi túgendeý jumystaryn aıaqtaýdy tapsyrdy. Mundaı tapsyrmany Premer-Mınıstr Kárim Másimov búgin Úkimet otyrysy barysynda berdi.
«Bul jumysty jeke baqylaýǵa alyp, aǵymdaǵy jyldyń 1 qarashasyna deıin tyńǵylyqty uıymdastyryp, aıaqtaý qajet. Oblys ákimderi túgendeý júrgizý boıynsha naqty jospar bekitip, bul máselede jeke jaýapkershilikti anyqtaýy kerek», - dedi K.Másimov.
Óz kezeginde Premer-Mınıstrdiń birinshi orynbasary Ómirzaq Shókeev tekserý barysynda eń aldymen jerdi tıimdi paıdalanýǵa basa nazar aýdarý qajettigin atap ótti.
«Bunyń barlyǵy zańnamaǵa engiziletin bolady. Ekinshi jaǵynan qazirgi ýaqytta Aýyl sharýashylyǵy mınıstri jerdi tıimdi paıdalaný úshin jaýapkershilikti arttyrý boıynsha óte tıimdi usynystar ázirleýde», - dedi ol.
Sonymen qatar Salyq kodeksine ózgerister engizý máselesi qarastyrylyp jatqandyǵyn aıtqan Ó.Shókeev: «Meniń oıymsha, taıaý ýaqytta Úkimette qarastyratyn bolamyz jáne bul jer ýchaskelerin retke keltirýge zor serpin beredi», - dedi ol.
