Úkimet basshylarynyń kezdesýi Konstantınovsk saraıynda ótedi

dep habarlanǵan QR Premer-Mınıstrinińpm.kz. saıtynda.

2006 jylǵy shildede «Úlken segizdiktiń» Peterbýrg sammıti ótken Konstantınovsk saraıy bıyl, 18-19 qazanda TMD, EýrAzEQ jáne Keden odaǵy elderi Úkimet basshylary úshin esigin aıqara ashady.

Konstantınovsk saraıy «Kongrester saraıy» memlekettik kesheni atanyp, Sankt-Peterbýrgtiń jańa rámizine aınaldy.
Osy úlken saraıdyń alǵashqy irgetasyn 1720 jyly ımperator Petr I qalaǵan. Konstantınovsk saraıy N.Mıkettıdiń jobasy boıynsha salyna bastady.

1797 jyly Pavel I keshendi óziniń ekinshi uly knıaz Konstantın Pavlovıchke syılady, sodan beri saraı onyń atymen atalady. Sonymen, 1917 jylǵa deıin saraı reseılik ımperatorlardyń ıeliginde boldy.

Uly Otan soǵysy kezinde ol derlik tolyǵymen buzyldy, odan tek tas ustyny qalǵan bolatyn. Alaıda, qurylys qaıtadan qalpyna keltirildi, onda 1990 jyldarǵa deıin Lenıngrad Arktıkalyq ýchılışesi jumys istedi.

Eskertkishti qalpyna keltirý 2001 jyly bastaldy. 2003 jyly qalpyna keltirý jumystary aıaqtaldy jáne Konstantınovsk saraıy men parkiniń saltanatty ashylýy ótti.

Qazir onyń murajaıynda orystyń XVIII-HH ǵasyrlardaǵy beıneleý jáne dekoratıvtik-qoldanbaly óneri keńinen qoıylǵan, sonyń ishinde álemge áıgili M. Rostropovıch jáne G. Vıshnevskaıanyń buıymdary bar.