Úkimet azyq-túlik taýarlaryna baǵany turaqtandyrý jáne sý tasqynyna daıyndyq máselelerin talqylaıdy
ASTANA. QazAqparat - Osy aptada QR Premer-Mınıstri Baqytjan Saǵyntaev QR Prezıdenti N. Nazarbaevtyń «Qazaqstannyń úshinshi jańǵyrýy: jahandyq básekege qabilettilik» atty Joldaýynda bergen tapsyrmalaryn oryndaý aıasynda Jańǵyrtý jónindegi memlekettik komıssııa otyrysyn ótkizedi.
Bul týraly primeminister.kz habarlady.
Bıyl 6-7 naýryzda QR Premer-Mınıstri Baqytjan Saǵyntaev Bishkek qalasyna jumys saparymen barady, onda Eýrazııalyq úkimetaralyq keńestiń (EÚAK) kezekti otyrysyna qatysady. EÚAK jumysy sheńberinde Qyrǵyzstan Respýblıkasynyń Premer-Mınıstri Sooronbaı Jeenbekovpen sý-energetıka jáne kólik-logıstıka salalarynda saýda-ekonomıkalyq yntymaqtastyqty damytý máselelerine qatysty ekijaqty kezdesý ótedi dep josparlanǵan.
Qazaqstan Premer-Mınıstri Baqytjan Saǵyntaev Úkimet úıinde Frantsııa Prezıdentiniń keńesshileri F.Revardon men S. Massardpen kezdesý ótkizedi. Kezdesý barysynda ekijaqty ekonomıkalyq qarym-qatynastaǵy aǵymdaǵy jaǵdaı men ekonomıkany jańǵyrtýǵa baılanysty birlesken jobalardy iske asyrý máselelerin talqylaý josparlanǵan.
Sondaı-aq, osy aptada QR Premer-Mınıstri Baqytjan Saǵyntaev bıyl Memleket basshysy óz joldaýynda bergen tapsyrmalaryn iske asyrý turǵysynan alǵanda Ekonomıkalyq damý máseleleri jónindegi saraptamalyq keńes otyrysyn ótkizedi.
Osy aptada QR Premer-Mınıstriniń birinshi orynbasary A. Mamın vedomstvoaralyq komıssııa otyrysyn, sonymen qatar, ShYU, keń jolaqty ınternet jáne qorǵanys-ónerkásip kesheni kásiporyndary máselelerine qatysty keńester ótkizedi. Budan ózge, Asqar Mamın Ońtústik Qazaqstan oblysyna jumys saparymen barady.
QR Premer-Mınıstriniń orynbasary - QR aýyl sharýashylyǵy mınıstri A. Myrzahmetov osy aptada dızel otynyna aktsızdi óndirý tártibin ózgertý nemese boldyrmaý, azyq-túlik taýarlaryna baǵany turaqtandyrý jáne sý tasqyny kezeńine daıyndyq máselelerine qatysty birqatar keńester ótkizedi.
