Úkimet azyq-túlik baǵasynyń turaqtylyǵyn jáne úzdiksiz jetkizilýin qamtamasyz etedi
Sanıtarlyq-epıdemıologııalyq jaǵdaı týraly densaýlyq saqtaý mınıstri E. Birtanov, Nur-Sultan jáne Almaty qalalaryndaǵy ahýal jáne karantınge daıyndyq týraly ákimder A. Kólginov pen B. Saǵyntaev, áleýmettik mańyzy bar azyq-túlik taýarlaryna baǵa belgileý jaǵdaıy týraly saýda jáne ıntegratsııa mınıstri B. Sultanov, tarıfterdi retteý jáne saýda nysandaryndaǵy básekelestikti qorǵaý máseleleri týraly ulttyq ekonomıka mınıstri R. Dálenov, memlekettiń áleýmettik mańyzdy azyq-túlik ónimderimen qamtamasyz etilýi jáne óńirlerdegi turaqtandyrý qorlaryn qoldaý sharalary týraly aýyl sharýashylyǵy mınıstri S. Omarov baıandady.
«Memleket basshysy azamattardy azyq-túlik ónimderimen jáne birinshi qajettiliktegi taýarlarmen úzdiksiz qamtamasyz etý mindetin qoıdy. Oryn alǵan jaǵdaıdy eskere otyryp, naryqty azyq-túlikpen qamtamasyz etý sharalaryn qabyldap, shuǵyl áreket etý qajet» , — dedi A. Mamın.
Qarjy jáne saýda mınıstrlikterine ishki naryqty molyqtyrý maqsatynda áleýmettik mańyzy bar azyq-túlik taýarlaryna ımporttyq salyqty alyp tastaý máselesin pysyqtaý tapsyryldy. Bul rette ákelinetin taýarlarǵa fıtosanıtarııalyq jáne veterınarııalyq baqylaý júrgizýdi saqtaý qamtamasyz etilýi tıis.
Óńirler ákimderine áleýmettik mańyzy bar azyq-túlik taýarlary baǵasynyń qazirgi jaı-kúıine kún saıyn monıtorıng júrgizip, qajet bolǵan jaǵdaıda shekti baǵalardy belgilep, ınterventsııa ótkizý arqyly tıisti shuǵyl sharalardy qabyldaý boıysha tapsyrma berildi.
Úkimet basshysy óńirlerdiń ákimdikterine azyq-túlik taýarlarynyń óńirlik turaqtandyrý qorlaryn qalyptastyrý úshin jergilikti bıýdjetterden qosymsha qarajat bólýdi tapsyrdy.
Premer-Mınıstr tótenshe jaǵdaı kezeńinde memlekettik shekaradan ótý máseleleri boıynsha sheshim qabyldaý tártibin bekitýdi, sondaı-aq tranzıttik kóliktiń sanıtarııalyq-epıdemıologııalyq qaýipsizdigin qamtamasyz etý boıynsha sharalar qabyldaýdy tapsyrdy.
