Úkimet azyq-túlik baǵalarynyń ósýine jol bermeý boıynsha otyrys ótkizbek

Bul týraly búgin QR Prezıdenti janyndaǵy Ortalyq kommýnıkatsııalar qyzmetiniń resmı ókili Altaı Ábıbýllaev málim etti.

«Qazaqstan Úkimetiniń basym baǵyttarynyń biri -  bul áleýmettik mańyzy bar azyq-túlik baǵalarynyń ósýine jol bermeý, naryqtaǵy azyq-túliktiń sapasy men ınflıatsııany barynsha baqylap, tıisti ári ýaqytyly is-sharalar qabyldaý. Osyǵan oraı 14 jeltoqsanda Úkimette azyq-túlik baǵalaryn qurý máselesi boıynsha selektorlyq otyrys ótetinin habarlaımyn»,-dedi resmı ókil. 

Taratylǵan statıstıkalyq málimetterge qaraǵanda, baǵa azyq-túlik taýarlaryna ótken aıda 0,7%, azyq-túlik emes taýarlarǵa - 0,4%, aqyly qyzmetterge - 1,1%-ǵa ósti.

Ótken aıda baǵanyń joǵarylaýy jumyrtqaǵa 4,7%, kúnbaǵys maıyna - 1,8%, makaron ónimderine - 1,7%-ǵa, sút ónimderine, tuzdalmaǵan sary maıǵa - 1%-dan, unǵa - 0,9%, jemister jáne kókónisterge - 0,8%, etke jáne qus etine - 0,6%-ǵa, balyq jáne teńiz ónimderine, shaıǵa - 0,4%-dan belgilendi. Baǵanyń tómendeýi qantqa 1,2%-ǵa tirkeldi.

Baǵa temeki ónimderine 1,9%, qatty otynǵa - 1,4%, gazetter jáne merzimdik basylymdarǵa - 0,8%, kıim jáne aıaq kıimge - 0,6%, turmystyq aspaptarǵa - 0,5%,turmystyq toqyma buıymdarǵa - 0,4%, jýǵysh jáne tazalaǵysh quraldarǵa - 0,3%, jeke kútimge arnalǵan taýarlarǵa - 0,2%-ǵa ósti.

Baǵa deńgeıi densaýlyq saqtaý salasynda - 1,2%-ǵa, shashtarazdar jáne jeke qyzmet kórsetý oryndarynda - 0,7%, demalys, oıyn-saýyq jáne mádenıet oryndarynda - 0,6%, kólikte - 0,3%, meıramhanalar men qonaq úıler qyzmetterinde - 0,2%-ǵa ósti. Baǵanyń ósimi poshta qyzmetterine 37,3%-dy qurady.

Turǵyn úı-kommýnaldyq qyzmetter salasynda tarıfter ystyq sýǵa 3,7%, ortalyq jylytýǵa - 2,9%, qoqys jınaýǵa - 2,6%, turǵyn úıdi kútip ustaýǵa - 0,5%, sýyq sýǵa - 0,2%-ǵa joǵarylady.