Úkimet azamattyq avıatsııany jer salyǵynan bosatty

NUR-SULTAN. QazAqparat - Elimizdegi áýejaılar jer salyǵynan jáne ony paıdalanǵany úshin tólemnen bosatylady. Bul týraly búgin Úkimet otyrysynda el ekonomıkasyn qalpyna keltirý jónindegi keshendi jospardy tanystyrǵan QR Ulttyq ekonomıka mınıstri Rýslan Dálenov aıtty, dep habarlaıdy QazAqparat tilshisi.

Onyń atap ótýinshe, azamattyq avıatsııany qoldaý úshin osy jyldyń sońyna deıin ushý jaǵdaıyn qoldaý maqsatynda ushaqtarǵa qosalqy bólshekterdi ımporttaýda ýaqytsha qosylǵan qun salyǵynan bosatý usynylady.

«Sondaı-aq áýejaılar jer salyǵynan jáne ony paıdalanǵany úshin tólemnen bosatylady. Odan basqa, rezıdent emester avıatsııa salasyndaǵy tehnıkalyq qyzmet kórsetý jáne basqa da qyzmetterge qosylǵan qun salyǵyn tólemeıdi», - dedi Rýslan Dálenov.