Úkimet aýyl sharýashylyǵy ónimderin qaıta óńdeýdiń keshendi josparyn bekitti
ASTANA. 19 jeltoqsan. QazAqparat - Búgin Úkimet otyrysynda 2013-2020 jyldarǵa arnalǵan aýyl sharýashylyǵy jáne azyq-túlik ónerkásibiniń ónimin qaıta óńdeýdi damytý boıynsha is-sharalardyń keshendi jospary bekitildi.
2020 jylǵa deıin aýyl sharýashylyǵy taýarlaryn qaıta óńdeý salasyna shamamen 120 mlrd. teńge qarjy quıylatyndyǵyn atap ótken Úkimet basshysynyń paıymynsha, budan bólek teń qarjylandyrý, damý ınstıtýttarynyń qarajattaryn tartý tetikterin de qarastyrý qajet. «Meniń oıymsha, bul salaǵa keminde 2 eseden astam qarjy quıylatyn bolady», - dedi S.Ahmetov.
Premer-Mınıstrdiń atap ótýinshe, keshendi jospar jobasy barlyq múddeli memlekettik organdarmen kelisilgen. Jospar Elbasynyń aýyl sharýashylyǵy ónimderin qaıta óńdeý boıynsha kásiporyndardyń óndiristik qýatyn arttyrý jónindegi tapsyrmasyn júzege asyrý aıasynda ázirlengen. «Sondyqtan da keshendi jospar jobasyn bekitýge daýys berýdi usynamyn», - dedi Úkimet basshysy.
Osydan keıin Mınıstrler kabınetiniń músheleri jospar jobasyn biraýyzdan maquldady. «Aldaǵy ýaqytta Aýyl sharýashylyǵy mınıstrligi onyń oryndalýyn qatań baqylaýǵa alýy tıis», - dep qorytyndylady otyrysty Premer-Mınıstr.
