Úkimet asyl tastarǵa saraptama júrgizý jónindegi ýákiletti uıymdy aıqyndaý jáne olardy ákelý-áketýdiń qaǵıdalaryn bekitti
ASTANA. 9 qańtar. QazAqparat - QR Úkimetiniń 2012 jylǵy 23 qarashadaǵy №1479 qaýlysymen asyl tastarǵa, onyń ishinde óńdelmegen tabıǵı almastarǵa jáne baǵaly metaldar men asyl tastardan jasalǵan zergerlik buıymdarǵa saraptama júrgizý jónindegi ýákiletti uıym aıqyndaldy.
Budan basqa, asyl tastardy, baǵaly metaldar men asyl tastardan jasalǵan zergerlik buıymdardy Keden odaǵyna kirmeıtin elderden Qazaqstan Respýblıkasynyń aýmaǵyna ákelý jáne Qazaqstan Respýblıkasynyń aýmaǵynan osy elderge áketý qaǵıdalary bekitildi.
***
Qazaqstan Respýblıkasy Úkimetiniń qaýlysy№1479
2012 jylǵy 23 qarasha , Astana, Úkimet Úıi
Asyl tastarǵa, onyń ishinde óńdelmegen tabıǵı almastarǵa jáne baǵaly metaldar men asyl tastardan jasalǵan zergerlik buıymdarǵa saraptama júrgizý jónindegi ýákiletti uıymdy aıqyndaý jáne asyl tastardy, baǵaly metaldar men asyl tastardan jasalǵan zergerlik buıymdardy Keden odaǵyna kirmeıtin elderden Qazaqstan Respýblıkasynyń aýmaǵyna ákelý jáne Qazaqstan Respýblıkasynyń aýmaǵynan osy elderge áketý, Kımberlıı úderisiniń sertıfıkattaý shemasyn eskere otyryp, óńdelmegen tabıǵı almasty Qazaqstan Respýblıkasynyń aýmaǵyna ákelý jáne Qazaqstan Respýblıkasynyń aýmaǵynan áketý, sondaı-aq baǵaly metaldar men asyl tastardan jasalǵan buıymdardy tańbalaý qaǵıdalaryn bekitý týraly
«Belarýs Respýblıkasynyń, Qazaqstan Respýblıkasynyń jáne Reseı Federatsııasynyń Keden odaǵyn biryńǵaı tarıftik emes retteý týraly» Eýrazııalyq ekonomıkalyq qoǵamdastyqtyń Memleketaralyq keńesiniń (Keden odaǵynyń joǵary organy) 2009 jylǵy 27 qarashadaǵy № 19 sheshimin oryndaý jónindegi sharalar týraly» Qazaqstan Respýblıkasy Prezıdentiniń 2011 jylǵy 21 shildedegi № 120 Jarlyǵyn iske asyrý maqsatynda Qazaqstan Respýblıkasynyń Úkimeti qaýly etedi:
1. «Ulttyq saraptaý jáne sertıfıkattaý ortalyǵy» aktsıonerlik qoǵamy asyl tastarǵa, onyń ishinde óńdelmegen tabıǵı almastarǵa jáne baǵaly metaldar men asyl tastardan jasalǵan zergerlik buıymdarǵa saraptama júrgizý jónindegi ýákiletti uıym bolyp aıqyndalsyn.
2. Qosa berilip otyrǵan:
1) Asyl tastardy, baǵaly metaldar men asyl tastardan jasalǵan zergerlik buıymdardy Keden odaǵyna kirmeıtin elderden Qazaqstan Respýblıkasynyń aýmaǵyna ákelý jáne Qazaqstan Respýblıkasynyń aýmaǵynan osy elderge áketý qaǵıdalary;
2) Kımberlıı úderisiniń sertıfıkattaý shemasyn eskere otyryp, óńdelmegen tabıǵı almasty Qazaqstan Respýblıkasynyń aýmaǵyna ákelý jáne Qazaqstan Respýblıkasynyń aýmaǵynan áketý qaǵıdalary;
3) Baǵaly metaldar men asyl tastardan jasalǵan buıymdardy tańbalaý qaǵıdalary bekitilsin.
3. Qazaqstan Respýblıkasy Qarjy mınıstrliginiń Kedendik baqylaý komıteti asyl tastardy, baǵaly metaldar men asyl tastardan jasalǵan zergerlik buıymdardy, sondaı-aq óńdelmegen tabıǵı almastardy kedendik deklaratsııalaý jáne kedendik tazartý ornyn aıqyndasyn.
4. Osy qaýly alǵashqy resmı jarııalanǵan kúninen bastap qoldanysqa engiziledi.
Qazaqstan Respýblıkasynyń Premer-Mınıstri S.AHMETOV.
Qazaqstan Respýblıkasy Úkimetiniń 2012 jylǵy 23 qarashadaǵy №1479 qaýlysymen bekitilgen
Qaýlynyń tolyq mátini búgin respýblıkalyq BAQ-da jarııalanady.
