Úkimet astyq naryǵyn retteýde durys sharalar qabyldaýda - A.Mamytbekov
ASTANA. 23 qarasha. QazAqparat - Qazaqstan Úkimeti astyq naryǵyn retteýde durys sharalar qabyldaýda. Bul týraly búgin elordada bastalǵan 6-shy qazaqstandyq «KAZGRAIN-2012» astyq forýmynda elimizdiń aýyl sharýashylyǵy mınıstri Asyljan Mamytbekov aıtty.
«Aǵymdaǵy jylǵy qurǵaqshylyq jáne ótken jylǵy rekordtyq astyq túsimi bizderdiń ishki naryqtaǵy baǵanyń quldyraýyna jol bermegendigimizdi kórsetti. Al osy jyly biz eksportqa eshqandaı shekteý qoıǵan joqpyz. Bul fermerlerimizge óz ónimderin álemdik, tipti álemdik baǵadan da joǵary baǵaǵa satýǵa múmkindik beredi. Ótken jyly da rekordtyq astyq jınalýyna qaramastan astyq baǵasy tonnasyna 150 dollardan tómen túsken joq», - dedi mınıstr.
Sondaı-aq A.Mamytbekov óz sózinde salalyq baǵdarlama aıasynda saqtandyrý tetikterin jetildirý baǵytyndaǵy júmystar júrigizilip jatqandyǵyn basa aıtty. Onyń paıymynsha, bul astyq óndirý kezindegi fermelerdiń barlyq shyǵyndarynyń mindetti túrde qaıtarymy bolatyndyǵyna kepil ispettes.
