Úkimet Astananyń HHІ ǵasyr qalasyna, elimizdiń maqtanyshyna aınalýy úshin bar kúsh-jigerin jumsamaq
ASTANA. 3 maýsym. QazAqparat /Marlan Jıembaı/ - Biz ákimdikpen birlesip, Astananyń HHІ ǵasyr qalasyna, elimizdiń maqtanyshyna aınalýyna jáne búkil Qazaqstanǵa úlgi bolýyna barlyq kúsh-jigerimizdi jumsaımyz.
Búgin Astana qalasynyń keleshektegi damýyna arnalǵan keńeste Úkimet basshysy K.Másimov osylaı dedi.
Premer-Mınıstr Elbasy N.Nazarbaevtyń búgingi alqaly jıyndaǵy barlyq tapsyrmalarynyń, onyń ishinde, elektr energetıkasyn damytýmen, jylýmen qamtýmen jáne azyq-túlikpen qamtamasyz etýmen baılanysty máselelerdiń oryndalatyndyǵyna ýáde berdi. Sondaı-aq ol, jylýmen jabdyqtaý júıesin damytýǵa baılanysty máseleler qyrkúıektegi bıýdjetti naqtylaýǵa arnalǵan keńeste qarastyrylatyndyǵyn atap ótti.
