Úkimet ashyqtyq pen aqparattandyrý arqyly halyqty ІT tehnologııalarǵa yntalandyrmaq
Osy arqyly qazaqstandyq qoǵamdy aqparattandyrýdyń odan ári damýyn qamtamasyz etý kózdeledi.
Zań jobasynda negizgi uǵymdardyń máni ashylyp, aqparattandyrý salasyndaǵy qoǵamdyq qatynastardy memlekettik retteýdiń qaǵıdattary, maqsattary men mindetteri aıqyndalyp otyr. Osyǵan oraı, zań jobasy aıasynda Úkimettiń veb-portalyn belsendi iske qosyp, aqparattandyrýdyń servıstik modelin, arhıtektýralyq qadamdaryn engizý kózdeledi.
«Birinshiden, «ashyq Úkimet» qurý arqyly memlekettik organdardyń jumysy halyqqa ashyq bola túsedi, bul memleketke senimdi arttyrady. Ekinshiden, aqparattandyrýdyń servıstik modeli engizilgendikten, shaǵyn jáne orta bıznes damıdy, IT-kompanııalardyń ónimderin satý múmkindigi joǵarylaıdy. Munymen qatar, bul salada qazaqstandyq úles artady. Sonymen qatar, servıstik modeldi engizý bıýjet qarajatyn únemdeıdi. Serverler, baǵdarlamalar jáne olardy qoldaý jumystary jeke-jeke satyp alynbaıdy. Budan bólek, memlekettik organdardyń ınternetpen jumys jasaý qaýipsizdiginiń deńgeıi joǵarylaıdy», - deıdi Investıtsııalar jáne damý mınıstri Áset Isekeshev.
Onyń aıtýyna qaraǵanda, halyqtyń saýattylyǵyn arttyrý barlyq memlekettik organdardyń jaýapkershiligine kirip, bul jalpy memlekettik sharaǵa aınalady. ıAǵnı, túıindeı aıtqanda zań jobasy aıasynda sheshimin tabýy tıis basty mindet - jurtshylyqty kúndelikti ómirde aqparattyq-kommýnıkatsııalyq tehnologııalardy paıdalanýǵa yntalandyrý bolyp otyr. Sonymen qatar, qujatta memlekettik organdardyń ózara árekettesýin retteý, memlekettik organdar qyzmetin avtomattandyrý esebinen bıýrokrattylyq pen sybaılas jemqorlyq deńgeıin tómendetý kózdeledi. Zańdy jáne jeke tulǵalardyń memlekettik organdarmen ózara árekettestigi barysynda ýaqyt shyǵyndaryn, qujattar sanyn qysqartyp, olardyń arasyndaǵy aqparattandyrý deńgeıin joǵarylatý qarastyrylady.
«Álemde kún saıyn tehnologııalar ózgeris ústinde. Osyǵan baılanysty zańnamalyq bazany jańalap otyrý - zaman talaby. Biz de osy maqsatta zań jobasyn ázirleý barysynda Koreıa, Aýstralııa, Sıngapýr, Kanada, Fınlıandııa, Malaızııa sııaqty elderdiń aqparattyq-kommýnıkatsııalyq tehnologııalar salasyndaǵy tájirıbesine súıendik», - deıdi mınıstr Áset Isekeshev.