Úkimet Almaty qalasy ákimdiginiń ǵımaratyn jóndeý úshin 7,1 mlrd teńge bólmek

ASTANA. QazAqparat – Almaty qalasy ákimdiginiń ǵımaratyn qalpyna keltirýge Úkimet rezervinen 7 mlrd teńgeden astam qarajat bólinbek. Bul týraly Indýstrııa jáne ınfraqurylymdyq damý mınıstrligi ashyq talqyǵa shyǵarǵan Úkimet qaýlysynda jazylǵan, dep habarlaıdy QazAqparat tilshisi.

«Indýstrııa jáne ınfraqurylymdyq damý mınıstrligine 2023 jylǵa arnalǵan respýblıkalyq bıýdjette kózdelgen QR Úkimetiniń shuǵyl shyǵyndarǵa arnalǵan rezervinen Almaty qalasy ákimdiginiń ǵımaratyn qaıta jóndeýge transfertter túrinde aýdarý úshin 7 010 773 250 teńge somasynda qarajat bólinsin», - delingen Úkimet qaýlysynda.

Eske sala keteıik, atalǵan ǵımarat qańtar oqıǵasy kezinde zaqymdalǵan edi. Keıin ákimdik ornalasqan ǵımarat qalalyq máslıhatqa beriletini málim boldy. Ony qaıta jóndeý jumystary bıyl kóktemde aıaqtalýy tıis.