Úkimet aldynda turǵan basty mindet - júktelgen barlyq tapsyrmalardy júzege asyrý - Kárim Másimov
ASTANA. 8 sáýir. QazAqparat /Marlan Jıembaı/ - Úkimet aldynda turǵan basty mindet - júktelgen barlyq tapsyrmalardy júzege asyrý.
Bul týraly búgin Parlament Májilisiniń jalpy otyrysynda depýtattardyń biraýyzdan qoldaýymen Úkimet basshysy laýazymyna taǵaıyndalǵan Kárim Másimov BAQ ókilderine bergen suhbatynda aıtty.
Búgin Nursultan Nazarbaev elimizdiń Memleket basshysy laýazymyna kirisken kúni Parlament Májilisinde kandıdatýrasyn Úkimet basshylyǵyna bekitýdi engizgenin atap ótken K. Másimov: «Parlament óz kelisimin berdi. Búgin Memleket basshysy óz Jarlyǵymen meni Premer-Mınıstr qyzmetine bekitti», - dedi.
Premer-Mınıstr Elbasynyń ulyqtaý rásiminde sóılegen sózinde aǵymdaǵy jylǵy Qazaqstan halqyna Joldaýynda, «Nur Otan» partııasynyń sezinde bergen tapsyrmalarǵa sáıkes Úkimet qabyldaǵan qujattar men baǵdarlamalardyń oryndalatyndyǵyn basa aıtty.
«Qazirgi ýaqyttaǵy Úkimet aldynda turǵan basty mindet - júktelgen barlyq tapsyrmalardy júzege asyrý», - dedi K. Másimov.
