Úkimet aldaǵy ýaqytta zeınetaqy júıesin jańǵyrtýdyń ekinshi kezeńin de qolǵa almaq

Bul týraly Senatta zeınetaqymen qamsyzdandyrý máselelerin qamtyǵan zań jobalarynyń tanystyrylymy barysynda Eńbek jáne halyqty áleýmettik qorǵaý mınıstri Sárik Ábdenov málim etti.

«Búgingi zań jobasynda engizilip otyrǵan ózgerister negizinen birinshi kezeńdi ǵana qamtyp otyr. Ekinshi kezeńde Úkimet zeınetaqy júıesin jańǵyrtý boıynsha bıýdjetten tıisti shyǵyndardy talap etetin máselelerdi qarap, bundaı zań jobasyn qyrkúıek aıyna deıin engizetin bolady. Onyń ishinde áıel azamattardyń bala kútimine baılanysty joǵaltqan ýaqytyndaǵy jınaqtaý júıesine aýdarylatyn qarajatty bıýdjetten sýbsıdııalaý máselesi de qamtylatyn bolady»,- dedi Serik Ábdenov.

Mınıstrdiń aıtýynsha, búgingi kúni qoǵam arasynda, kásipodaqtar men depýtattar tarapynan zeınetaqyǵa qatysty túsip jatqan usynystar naqty esepke alynyp, saraptamadan ótip jatyr. Al aldaǵy ekinshi kezeńdegi atqarylatyn jumystar barysynda bundaı usynystardyń barlyǵy qaperge alynatyn bolady.