Úkimet «Aqparattyq Qazaqstan - 2020» memlekettik baǵdarlamasynyń jobasyn qabyldady
ASTANA. 27 qarasha. QazAqparat - Búgin Úkimet otyrysynda «Aqparattyq Qazaqstan -2020» memlekettik baǵdarlamasynyń jobasy qabyldandy.
Atalǵan qujatty ázirleý máselesi boıynsha sóz sóılegen QR Mádenıet jáne aqparat mınıstri Darhan Myńbaıdyń atap ótýinshe, otandyq aqparattyq-mádenı keńistiktiń damýy Elbasynyń «Qazaqstannyń áleýmettik jańǵyrtylýy: Jalpyǵa Ortaq Eńbek Qoǵamyna qaraı 20 qadam» atty baǵdarlamalyq maqalasynda aıtylǵandaı - qoǵamnyń áleýmettik jańǵyrtylýynyń bir quramy bolyp tabylady.
«Osyǵan oraı, «Aqparattyq Qazaqstan - 2020» memlekettik baǵdarlamasynyń jobasymen osy máselege arnalǵan jáne onyń ishinde qyzmettiń 4 mańyzdy baǵdary kórsetilgen taraý qarastyrylǵan»,-dedi ol.
Mınıstrdiń atap ótýinshe, olar: mádenı saladaǵy aqparattyq-jelilik tehnologııalardyń damýy, otandyq buqaralyq aqparat quraldarynyń jańǵyrýy, otandyq aqparattyq kontentti óndirýge yntalandyrý jáne memlekettiń qyzmetin aqparattyq súıemeldeý.
