Úkimet Ákimshilik quqyq buzýshylyq týraly kodeksi jobasynyń jańa redaktsııasyn Májiliske usyndy

 Bul joba Úkimettiń zań jobalaý jumystarynyń 2009 jylǵa arnalǵan josparyn iske asyrý maqsatynda ázirlengen, dep habarlaıdy QazAqparat.

Kodeks jobasynyń qajettiligi Qazaqstan Respýblıkasynyń Ákimshilik-is júrgizý kodeksin ázirleýge jáne qabyldaýǵa baılanysty bolyp otyr. Osyǵan oraı Qazaqstan Respýblıkasynyń Ákimshilik quqyq buzýshylyq týraly kodeksinen is júrgizý normalary alynyp tastalady da, jańa redaktsııadaǵy Ákimshilik quqyq buzýshylyq týraly kodeksi qabyldanady.

Budan basqa Kodeks jobasynda Qazaqstan Respýblıkasy Úkimetiniń janyndaǵy Ákimshilik zańnamany jetildirý máseleleri jónindegi vedomstvoaralyq komıssııanyń usynymdary eskerilgen. Osylaısha, Kodeks jobasy tómendegi problemalyq máselelerdi sheshýge baǵyttalyp otyr.

Qoldanystaǵy Ákimshilik quqyq buzýshylyq týraly kodeksi qandaı da bir salanyń tutastaı alǵanda, erejelerge, zańnamaǵa siltemeler zańnamany buzýshylyqtary úshin jaýapkershik belgilengen kóptegen baptardy qamtıdy. Osy turǵyda Qazaqstan Respýblıkasynyń Konstıtýtsııalyq Keńesi óziniń 2008 jylǵy aqpannyń 27-sindegi normatıvtik qaýlysynda «adamnyń jáne azamattyń konstıtýtsııalyq quqyqtary men bostandyqtaryn shekteıtin zań zańdyq turǵydan dálme-dál jáne ákep soqtyratyn saldary boljaýly bolýǵa tıis» dep túsinik bergen.

Osyǵan baılanysty Kodeks jobasynda ákimshilik jaýapkershilikke tartý men jazalaýdyń kóptegen negizderi naqtylanyp otyr.