Úkimet, ákimdik jeke úılerge arnalǵan ýchaskelerdi kommýnıkatsııamen qamtamasyz etýdi jedeldetýi tıis

NUR-SULTAN. QazAqparat – Úkimet pen ákimdik áleýmettik jeke úılerge arnalǵan ýchaskelerdi kommýnıkatsııamen qamtamasyz etýdi jedeldetýge mindetti. Bul týraly búgin Qazaqstan halqyna Joldaýyn jarııa etken QR Prezıdenti Qasym-Jomart Toqaev aıtty, dep habarlaıdy QazAqparat tilshisi.

«Nurly jer» baǵdarlamasynyń jeke turǵyn úı qurylysy bóligi baıaý júzege asyrylyp jatyr. Bul negizinen aýmaqtardy jaılastyrý qarqynynyń tómendigimen baılanysty. Óıtkeni, zańnama boıynsha jer sýmen jáne elektrmen jabdyqtaý bolǵan kezde ǵana beriledi. Jer úı – bul tek baspana ǵana emes. Ol tabysy tómen azamattar úshin, ásirese, kópbalaly otbasylar úshin ekonomıkalyq tireý bola alady», - dedi Memleket basshysy.

Qasym-Jomart Toqaevtyń atap ótýinshe, Úkimet pen ákimdik áleýmettik jeke úılerge arnalǵan ýchaskelerdi kommýnıkatsııamen qamtamasyz etýdi jedeldetýge mindetti. Bul rette atalǵan jumystarǵa memlekettik-jekeshelik áriptestikti de jumyldyrýǵa bolady.

«Depýtattarǵa osynaý mańyzdy problemany sheshýdi «qanattaryńyzdyń astyna» alýdy ótinemin. Qalaısha aýylda eńbek etip júrgenderdi qoljetimdi baspanamen qamtamasyz etý úshin jumys berýshilerdi shyǵyndardy sýbsıdııalaý arqyly jalǵa beriletin úıler salýǵa májbúrlep, túptep kelgende bizdiń kóptegen azamattardyń ómir súrý sapasyn jaqsarta almaımyz?», - dedi QR Prezıdenti.