Úkimet 2018 jylǵa arnalǵan jumys josparyn ózektendiredi
ASTANA. QazAqparat - Qazaqstan Úkimetiniń 2018 jylǵa arnalǵan jumys jospary qaıtadan ózektendiriledi, dep habarlaıdy QazAqparat.
«Búgin atalǵan máselelerdiń barlyǵy Elbasynyń erekshe baqylaýynda. Sol sebepten bul tapsyrmalardyń barlyǵy sapaly túrde jáne naqty merzimde oryndalýy tıis. Ulttyq ekonomıka mınıstrligi múddeli memlekettik organdarmen birlesip, jumaǵa deıin búgingi talqylaýlardy eskere otyryp, 2018 jylǵa arnalǵan Úkimettiń ózektendirilgen jumys josparyn engizýi tıis. Kelesi otyrysta jospardy qaıtadan bekitetin bolamyz», - dedi Baqytjan Saǵyntaev Úkimettiń búgingi otyrysynda.
Aıta keteıik, otyrys barysynda Elbasy Nursultan Nazarbaevtyń Úkimettiń keńeıtilgen májilisinde bergen tapsyrmalary talqylanǵan bolatyn.
