Úkimet 2016 jylǵa arnalǵan Ulttyq qordan bólinetin transfert mólsherin 2 trln 880 mlrd teńgege naqtylady
ASTANA. QazAqparat - Úkimet 2016 jylǵa arnalǵan Ulttyq qordan bólinetin transfert mólsherin 2 trln 880 mlrd teńgege naqtylady. Búgin Senatta «Ulttyq qordan bólinetin kepildendirilgen transfertter týraly» Zańyna ózgerister men tolyqtyrýlar engizý týraly» zań jobasyn tanystyrǵan Ulttyq ekonomıka mınıstri Erbolat Dosaev osylaı málim etti.
«Zań jobasyna sáıkes, 2016 jylǵa arnalǵan Ulttyq qordan bólinetin kepildendirilgen transfert mólsherin túzetý kózdeledi. Bul rette dollardyń 300 teńgeden 360 teńgege qaraı túzetilýine oraı, osy baǵam eskerile otyryp, 2016 jylǵa arnalǵan Ulttyq qordan bólinetin kepildendirilgen transfert mólsherin 2 trln 880 mlrd teńge somasynda belgilenip otyr», - dedi mınıstr.
Onyń aıtýynsha, kepildendirilgen transfert mólsheri jalpy ishki ónimniń boljamdy máninen otyz paıyzdyq kórsetkishten tómendemeıtin qaldyq qaǵıdaty týraly shartty qamtamasyz etedi.
