Úkimet 2015-2019 jyldarǵa arnalǵan ındýstrııalandyrý baǵdarlamasynyń jobasyn Memleket basshysyna maýsym aıynda usynady

ASTANA. QazAqparat - Byltyr ındýstrııalandyrý baǵdarlamasy aıasynda 137 ındýstrııalyq joba iske qosyldy. Onyń ınvestıtsııa aýqymy 400 mlrd teńgeni qurap otyr. Búgin QR Prezıdenti N. Nazarbaevtyń qatysýymen ótip jatqan Úkimettiń keńeıtilgen otyrysynda baıandama jasaǵan QR Premer-Mınıstri Serik Ahmetov osylaı málimdedi.

Úkimet basshysynyń aıtýynsha, ındýstrııalandyrý baǵdarlamasy arqasynda byltyr on bir myńnan astam jumys orny quryldy.

«Aǵymdaǵy jyly ındýstrııalandyrý baǵdarlamasynyń birinshi besjyldyǵy aıaqtalady. Biz 750 mlrd. teńgeni quraıtyn 130-ǵa jýyq jańa nysandy iske qosýdy josparlaımyz. Elbasynyń tapsyrmasyna sáıkes, Úkimet ındýstrııalandyrý baǵdarlamasyna túzetý engizý jumystaryn jalǵastyrýda. Onda Qazaqstannyń ornyqty basymdyǵy bolatyn basym baǵyttar men salalar aıqyndalady», - dedi Premer-Mınıstr.

S.Ahmetovtiń málim etýinshe, elimizdiń 2015-2019 jyldarǵa arnalǵan ındýstrııalyq-ınnovatsııalyq damý baǵdarlamasynyń jobasy Memleket basshysynyń qaraýyna aǵymdaǵy jyldyń maýsym aıynda usynylady.