Úkimet 2015-2019 jyldarǵa arnalǵan Geologııalyq barlaý jumystarynyń baǵdarlamasyn bekitti
ASTANA. QazAqparat - Úkimette 2015-2019 jyldarǵa arnalǵan Geologııalyq barlaý jumystarynyń baǵdarlamasy bekitildi. Bul týraly búgin Ortalyq kommýnıkatsııalar qyzmetinde ótken baspasóz máslıhatynda QR Indýstrııa jáne jańa tehnologııalar vıtse-mınıstri Nurlan Saýranbaev málim etti.
«Baǵdarlamaǵa 161 mlrd. teńgeden astam qarajat qarastyrylǵan. Ótken besjyldyqta bul soma shamamen 40 mlrd. teńgeniń kóleminde boldy», - deıdi vıtse-mınıstr.
Onyń sózine qaraǵanda, Qazaqstanda paıdaly qazbalardyń mol qory saqtaýly. Sondyqtan baǵdarlama aıasynda qundy metaldar qorynyń jańa kenishterin izdestirýge baǵyttalatyn bolady.
«Kómir men temir kenishteriniń jalpy qory shamamen 300-500 jylǵa jetedi. Sol sebepti memleket negizgi kúshti sırek kezdesetin kenishterge jumsaýy tıis. Osy baǵdarlamany biz polımetaldardy, sırek kezdesetin metall túrlerin, altyn, mys qoryn barlaýǵa baǵyttaımyz», - dep atap ótti ol.
