Úkimet 2014 jyly ınflıatsııa buǵan deıin bekitilgen 6-8 paıyzdyq mólsherden aspaıdy dep ýáde berdi
ASTANA. QazAqparat - Teńge baǵamynyń tómendeýi áserinen baǵa ósimi bıýdjette bekitilgen ınflıatsııanyń 6-8 paıyzdyq dálizi sheginen aspaıdy. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótip jatqan brıfıngte QR Premer-Mınıstriniń orynbasary - Qarjy mınıstri Baqyt Sultanov málim etti.
«Importtyq taýarlardyń qymbattaıtyndyǵyn eskergende bul ımportqa birshama tejeýishtik áser etetin bolady. Biz tolyqtaı alǵanda devalvatsııanyń baǵa ósimine áseri búgingi bıýdjette bekitilgen ınflıatsııanyń 6-8 paıyzdyq dálizi sheginde bolady dep kútýdemiz», - dedi ol. Esterińizge sala keteıik, búgin QR Ulttyq banki 2014 jyldyń 11 aqpanynan bastap teńgeniń burynǵy deńgeıin saqtap turýdan, valıýtalyq ınterventsııalardyń kólemin azaıtýdan, teńgeniń aıyrbas kýrsyn qurý protsesine aralasýdan bas tartý týraly sheshim qabyldaǵanyn jarııa etken edi. Sondaı-aq teńge kýrsynyń jańa baǵamy 185 AQSh dollary tóńireginde bolatyndyǵyn habarlaǵan-dy.
